كل أوردر بيتراجع ويتأكد ويتتابع بالذكاء الاصطناعي
أربع خدمات أوتوميشن بنيناها لأوردرات براند حقيقي كل يوم، ودلوقتي متاحة لبراندات الأزياء على Shopify أو أي سيستم أوردرات. بتراجع كل أوردر، وبتكلّم عملاءك على واتساب في ثواني، وبتصلّح الغلط، وبتخلّي أرقام متجرك مظبوطة.
الأربعة شغّالين عند Caligo
كل أوردر جديد بيتراجع، ومفيش حاجة بتوقفه عن الشحن غير المشكلة الحقيقية
أول ما العميل يعمل الأوردر، بيعدّي على أربع مراجعات. الأوردر السليم بيتأكد على Shopify لوحده من غير ولا رسالة. والأوردر اللي فيه مشكلة بيتحط عليه تاج على Shopify يوقفه عن الشحن، والعميل بتوصله رسالة واتساب في ثواني.
- رقم الموبايلرقم حقيقي ونقدر نوصل للعميل عليه؟
- العنوانكامل وواضح كفاية إن المندوب يوصله؟
- تاريخ العميلالعميل ده لغى أوردرات قبل كده؟
- الأوردرات المكررةنفس العميل طلب نفس الحاجة مرتين؟
الأوردر السليم بيتأكد على Shopify. والأوردر اللي فيه مشكلة بيفضل متوقف عن الشحن لحد ما وكيل الذكاء الاصطناعي بتاعه يحل الحالة.
الأوردر اللي ماتسلّمش بيتابَع على طول، مش بيتنسي
متربطين بشركة الشحن بتاعتك لحظة بلحظة. أول ما أوردر يفشل تسليمه أو يبقى مستني إجراء، العميل بتوصله رسالة واتساب منك تسأله حصل إيه، فتعرف المشكلة كانت من شركة الشحن ولا من المنتج ولا من المقاس.
أهلًا يا منى، الأوردر ماوصلكيش النهارده. حصل إيه؟
وكل رد بيروح على طول لوكيل الأوردرات اللي ماتسلّمتش.
فريق وكلاء ذكاء اصطناعي، كل وكيل لحالة
بيستلموا محادثات الواتساب اللي أول خدمتين بيبدأوها. كل وكيل ليه دور واحد، وبيخلّص الشغل على Shopify أو سيستم الأوردرات بتاعك.
وكيل العناوين
- بيطلب من العميل العنوان الصح
- بيغيّره على Shopify أو سيستم الأوردرات
- بيشيل التاج، فالأوردر يروح لشركة الشحن
وكيل الأوردرات اللي ماتسلّمتش
- بيعرف الأوردر ماتسلّمش ليه
- مشكلة مقاس: بيغيّر المقاس ويعمل الأوردر تاني
- مشكلة من شركة الشحن: بيعمل أوردر جديد ويتبعت تاني
وكيل الأوردرات المكررة
- بيسأل العميل عايز أنهي أوردر فعلًا
- بيلغي الباقي ويشيل التاج من الأوردر اللي عايزه
- أو يلغيهم كلهم ويعمل أوردر واحد جديد
وكل وكيل فاهم البراند بتاعك
بيردّوا على أي سؤال عن البراند والمنتجات، من ملف المعلومات وقاعدة المعرفة اللي بنعملها معاك.
اللي على Shopify هو اللي على الرف بالظبط، لا أكتر ولا أقل
المخزون اللي على رف المخزن متزامن لحظة بلحظة مع Shopify، فالرقم اللي العميل بيشوفه هو دايمًا اللي تقدر تبيعه فعلًا. عمرك ما هتبيع قطعة مش عندك، ولا هتخبّي قطعة موجودة.
متزامن لحظة بلحظة
خد خدمة واحدة، أو الأربعة
- بنتكلم عن أوردراتك وشركة الشحن والسيستم بتاعك.
- بنعمل قاعدة المعرفة والرسايل معاك، بأسلوب البراند بتاعك.
- بنشغّلها، بسعر على قد حجم أوردراتك.
اطلب عرض سعر
السعر بيختلف على حسب حجم أوردراتك والخدمات اللي هتاخدها. سيب رقمك وهنكلمك.
شكرًا! هنكلمك قريب عن خدمات الأوتوميشن.
الطلب ماتبعتش. اتأكد من الرقم، أو ابعتلنا على واتساب.